Page 6 - pesta2025suppl3

-pest-POSTEN Side 6

DIKTSPALTEN 2015-3

Gustaf

Larsson

(1893-1985)

Denne gongen presenterer vi ein diktar som vel knapt nokon av lesarane har
høyrt om.

Men Gustaf Larsson er Gotlands store skald, og er på øya kjend både som
forfattar, folkeminnegranskar, fotograf og museumsmann. På fødestaden sin
på aust-Gotland skapte han det vakre friluftsmuseet Norrlanda Fornstuga.

Han gav ut ei rekkje diktsamlingar, sume på svensk, men dei fleste på gutamål,
det sermerkte språket, som no vert tala av berre ein liten del av bygdefolket på
Gotland og Fårø.

Ei mengd av dikta til Larsson er omdikta til eit nokså konservativt nynorsk av
Ivar Orgland, og dikta du finn her, er frå samlinga ”Gotlandske dikt”, utgjeven
på Fonna forlag i 1978.
Larsson har skrivi dikt om mange ulike emne, men eg vel tre dikt som syner
dei varme kjenslene han hadde for Gotland. Det er ikkje meg imot om dei
kan inspirera lesarane til å ta ein tur til øya, som har ein sereigen natur og ein
vakker historisk by, Visby. Dei nærmare 100 kvite steinkyrkjene, jfr. titelen
på det siste diktet, frå mellomalderen , er òg ein grunn til å vitja øya. Ingen
stad i Sverige har fleire soltimar i året enn Gotland, og dreg du dit, vert det
kanskje ikkje berre med den eine gongen.

- Bjørn Myrvang